14 აპრილს სახელმწიფო ენის დღისადმი მიძღვნილი კვირეული გაიხსნა
14 აპრილს სახელმწიფო ენის დღისადმი მიძღვნილი კვირეული გაიხსნა. ცერემონია სახელმწიფო ენის დეპარტამენტის თავმჯდომარემ გიორგი ალიბეგაშვილმა გახსნა. ღონისძიებას საქართველოს პრემიერ-მინისტრი მამუკა ბახტაძე, თბილისის მერი კახი კალაძე, პარლამენტის განათლების მეცნიერებისა და კულტურის კომიტეტის თავმჯდომარე მარიამ ჯაში, რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია, შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი, თსუ რექტორის მოადგილე ალექსანდრე ცისკარიძე და სხვა მოწვეული სტუმრები ესწრებოდნენ. ქართული ენის დღესთან დაკავშირებით, უნივერსიტეტის ეზოსა და ფოიეში რამდენიმე გამოფენა იყო მოწყობილი. ამასთან, უნივერსიტეტის ბაღში ნიაზ დიასამიძის და ჯგუფ "33ა"-ს კონცერტი გაიმართა. ღონისძიებების ორგანიზატორები არიან სახელმწიფო ენის დეპარტამენტი, დედაქალაქის მერია, თბილისის საკრებულო, თბილისის სახელმწიფო უნივერსიტეტი, ხელნაწერთა ეროვნული ცენტრი,ასოციაცია "ქართული შრიფტი."
