საჯარო ლექცია „ქართული ენა 1978 წლიდან დღემდე“
14 აპრილს, სახელმწიფო ენის დეპარტამენტის სამეცნიერო-საგანმანათლებლო სამსახურის უფროსმა, პროფესორმა თინათინ ბოლქვაძემ თბილისის სახელმწიფო უნივერსიტეტში წაიკითხა საჯარო ლექცია თემაზე „ქართული ენა 1978 წლიდან დღემდე“.
ლექციაზე განხილულ იქნა ის გზა, რომელიც გაიარა ქართულმა ენამ საბჭოთა და პოსტსაბჭოთა პერიოდში; 1978 წლის 14 აპრილის მასობრივი გამოსვლების როლი ქართული ენის სახელმწიფოებრივი სტატუსის შენარჩუნებასა და მეზობელი ქვეყნების კონსტიტუციებში მოსალოდნელი ავბედითი ცვლილებების შეჩერებაში.
1989 წლის 9 აპრილამდე ეს იყო საბჭოთა კავშირში პირველი, განსაკუთრებით ხალხმრავალი დემონსტრაცია, რომელმაც დასახულ მიზანს უსისხლოდ მიაღწია. ლექციაში განხილული იქნება ის საერთაშორისო გამოხმაურება, რომელიც მოჰყვა საბჭოეთისთვის მოულოდნელ ხალხმრავალ გამოსვლას; ის ქარტეხილები, რომლებიც გამოიარა ქართულმა ენამ და ის რთული კონკურენცია, რომელშიც აღმოჩნდა ქართული პოსტსაბჭოთა პერიოდში.
აგვისტო 2025 | ||||||
|---|---|---|---|---|---|---|
| ორშ | სამ | ოთხ | ხუთ | პარ | შაბ | კვი |
| 28 | 29 | 30 | 31 | 01 | 02 | 03 |
| 04 | 05 | 06 | 07 | 08 | 09 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
| 01 | 02 | 03 | 04 | 05 | 06 | 07 |