სახელმწიფო ენის დეპარტამენტი აგრძელებს საკონსულტაციო შეხვედრებს თვითმმართველობების წარმომადგენლებთან
სახელმწიფო ენის დეპარტამენტი აგრძელებს საკონსულტაციო შეხვედრებს თვითმმართველობების წარმომადგენლებთან.
2018 წლის 9 ოქტომბერს სახელმწიფო ენის დეპარტამენტის თავმჯდომარე გიორგი ალიბეგაშვილი და დეპარტამენტის წარმომადგენლები ქალაქ რუსთავის მუნიციპალიტეტის მერიის არქიტექტურისა და სამშენებლო-ზედამხედველობის სამსახურის თანამშრომლებს შეხვდნენ.
შეხვედრაზე ისაუბრეს ქალაქ რუსთავში აბრებსა და სარეკლამო ბანერებზე ქართულენოვანი წარწერების მოწესრიგებასთან დაკავშირებით და ერთობლივი მუშაობის სისტემაზე შეთანხმდნენ.სახელმწიფო ენის დეპარტამენტი ყველა დაინტერესებულ პირს, თვითმმართველობებისა და ბიზნესის წარმომადგენლებს საკონსულტაციო-საინფორმაციო მომსახურებას სთავაზობს. მათ შეუძლიათ მიმართონ სახელმწიფო ენის დეპარტამენტს და შესაბამისი რეკომენდაციები მიიღონ.
