სახელმწიფო ენის დეპარტამენტისა და ლიდზის უნივერსიტეტის (დიდი ბრიტანეთი) ერთობლივი პროექტი
განათლების საერთაშორისო ცენტრის სადოქტორო პროგრამის სტიპენდიანტმა სოფია დარასელიამ მონაწილეობა მიიღო სახელმწიფო ენის დეპარტამენტისა და ლიდზის უნივერსიტეტის (დიდი ბრიტანეთი) ერთობლივ პროექტში. აღნიშნული თანამშრომლობის ფარგლებში, ლიდზის უნივერსიტეტში შექმნილ ქართული ენის ვებკორპუსზე დაყრდნობით მომზადდა ორი სასწავლო სიხშირული ლექსიკონი: ქართული-აფხაზურ-ინგლისური და ქართულ-ოსურ-ინგლისური. ეს არის ქართველური ენობრივი მრავალფეროვნების და საქართველოს ენობრივი პორტრეტის დოკუმენტირების პროექტი, რომელიც შემდგომშიც გაგრძელდება. პროექტის კოორდინატორი და ხელმძღვანელი გახლდათ მარინა ბერიძე (სახელმწიფო ენის დეპარტამენტი. სახელმწიფო ენის ფუნქციონირების ზედამხედველობის სამსახურის უფროსი). აღსანიშნავია, რომ ეს ლექსიკონები მიმდინარე წლის ოქტომბერში ფრანკფურტის წიგნის ბაზრობაზე იყო გამოფენილი.
