თანამშრომლობის მემორანდუმი საზოგადოებრივ მაუწყებელთან

სახელმწიფო ენის დეპარტამენტსა და საზოგადოებრივ მაუწყებელს შორის თანამშრომლობის მემორანდუმი გაფორმდა. მემორანდუმის მიზანია სახელმწიფო ენის განვითარება და მედიაში საქართველოს ენობრივი მრავალფეროვნების წარმოჩენა, ქართული სამეტყველო ენის ნორმების დადგენა, ახალი ტერმინების ქართული შესატყვისების განსაზღვრა და დამკვიდრება. სახელმწიფო ენის მართებული გამოყენების უზრუნველყოფის მიზნით სახელმწიფო ენის დეპარტამენტი და საზოგადოებრივი მაუწყებელი განახორციელებენ სხვადასხვა საინფორმაციო და საგანმანათლებლო აქტივობებს.

მემორანდუმს ხელი მოაწერეს სახელმწიფო ენის დეპარტამენტის თავმჯდომარემ, გიორგი ალიბეგაშვილმა, და საზოგადოებრივი მაუწყებლის გენერალურმა დირექტორმა, თინათინ ბერძენიშვილმა.