ხელშეკრულების ფარგლებში შეიქმნება სპეციალური აპლიკაციის პროგრამული ინტერფეისი – API, რომელიც მომხმარებელს ერთი ენის ბგერითი სისტემით ჩაწერილი საკუთარი სახელების ქართული ენის ბგერითი სისტემით წარმოდგენის საშუალებას მისცემს დანიშნულებისამებრ; ამავე დროს ქართული ენის ბგერით სისტემას წარმოადგენს ლათინური გრაფიკით, სახელმწიფო ენის დეპარტამენტის შემუშავებულ და სახელმწიფო ენის ექსპერტთა კომისიის მიერ დამტკიცებული ტრანსკრიფცია-ტრანსლიტერაციის წესების საფუძველზე.

დღესდღეობით დეპარტამენტის მიერ განახლებული და სახელმწიფო ენის ექსპერტთა კომისიის მიერ მიღებულია 13 ენის ბგერითი სისტემის ქართულ ენაზე ტრანსკრიფცია-ტრანსლიტერაციის წესები და ქართული ენის ბგერითი სისტემის ლათინურად ტრანსლიტერაციის სახელმძღვანელო წესი (ჩამონათვალი იხილეთ აქ: http://enadep.gov.ge/index.php?m=125 ). აპი (აპლიკაციის პროგრამული ინტერფეისი) განთავსდება, როგორც დეპარტამენტის, ისე — „მცდარბეჭდილის საძმოს" ვებგვერდებზე და ხელმისაწვდომი იქნება ყველასთვის.

ტრანსკრიფცია-ტრანსლიტერაციის ავტომატური გადამყვანი მომხმარებელს საშუალებას მისცემს, სწორად ჩაწეროს ქართულად უცხოური წარმოშობის საკუთარი სახელები, მათ შორის, კომპანიების დასახელებები. „მცდარბეჭდილის საძმოს“ მიერ შექმნილი ქართული ენის კომპიუტერული მოდელი უდევს საფუძვლად spellchecker.ge -ს, რომელიც ქართულენოვანი ტექსტების მორფოლოგიურ და ორთოგრაფიულ სისწორეს ავტომატურად ამოწმებს.